عشاق المصارعة،مصارعة أول بأول،الاتحاد العربى للمصارعة
أهلا بك عزيزى الزائر فى منتداك

مع تحيات

جروب مصارعة أول بأول على الفيس بوك


عشاق المصارعة،مصارعة أول بأول،الاتحاد العربى للمصارعة
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 الأتوبيــــــــــــــــس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
aserman
Admin
avatar

عدد المساهمات : 10
نقاط : 30
تاريخ التسجيل : 21/08/2009
العمر : 23

مُساهمةموضوع: الأتوبيــــــــــــــــس   الأحد فبراير 12, 2012 9:30 am


تبدأ الحلقة بالطريق السريع بأمريكا حيث تسير السيارات بسرعة بالغة و على جانب الطريق يجرى أر تروث و هو يدخن يرتدى صديرى على اللحم و يضع فى أذنه سماعة بلوتوث يظل يجرى و هو يدندن قائلا و اتقدم و اتقدم و كفاية خلاص تتندم و على جانب الطريق كان هناك كاوبوى واقفا فقال لصديقه:

الراجل ده شكله مجنون

فرد صديقه قائلا: يا سيدى ده فاكر نفسه أحمد زكى فى فيلم النمر الأسود

قال الكاوبوى: نمر أسود ايه ده شبه الكلب الأسود و بعدين أنا أول مرة فى حياتى أشوف واحد بيشرب سجاير و هو بيجرى

يقف تروث بعد أن أصابه التعب يمر من أمامه أتوبيس مكتوب عليه wwe يستوقفه باشارة من يده ثم يركب بجانب السائق ألا وهو ترابيل اتش الذى يقول: كده العدد كمل فى الأتوبيس ابدأ يا جيركو

جيريكو: أهلا وسهلا بكم مع الموسم الجديد من برنامجكم المحبب Highlight Reel نناقش فى هذا الموسم ما يتعرض اليه المصارعين من ضغوط جسدية و نفسية و كيفية الترتيبات للعروض و قصة كل شىء كما لا تعلموها فنحن الأن نريكم الجنود المجهولة وراء الكاميرا و ها نحن نبدأ اليوم بأول شىء

كيف يصل المصارعين الى العروض ؟

تلك هى حلقتكم الأولى الأتوبيــــــــــس

ترابيل: لموا الأجرة ورا يا جماعة ، و انت يا جيركو و حياة ابوك سيبك من الهالومة اللى انت عاملها دى و لملى الأجرة منهم

جيركو: نعم يا أخويا فى ثانية حولتونى تباع

ترابيل: يا عم انجز بقى و متخافش مش هتدفع انت .... الأجرة دولار عشان تبقى عارف .

تروث: أجرة قدام أهى اتنين دولار أهم يا حاج اتش

اتش: اتنين ليه ده انت واحد بس اللى راكب

تروث: أيوة م أنا حاسبت لنفسى و لل Little Jimmy

اتش: نعم يا أخويا فين البتاع اللى بتقول عليه ده

تروث: م أهو قاعد فى وسطنا أهو بس حاسب انت كدة حاطط صباعك جوا ودنه

اتش: خلاص يا عم و هو أنا هأقولك لأ هات الاتنين دولار أهو رزق الهبل على المجانين

صوت جيركو و هو يصرخ قائلا: لالالا مينفعش كدة

ترابيل: فيه ايه

جيركو: هى الكنبة اللى ورا بتاخد كام

اتش: بتاخد خمسة

جيركو: بيج شو و مارك هنرى احتلوها كلها

يستوقف اتش الأتوبيس و يقول كلمة بذيئة يستأنف بعدها قائلا: نعم يا عم انت و هو و أنا أقول العجلة اللى ورا نامت من ايه المفروض واحد فيكو يركب قدام و التانى ورا عشان تحافظوا على توازن الأتوبيس

شو: أنا هأريحكم خالص

ثم يعطى لهنرى لكمة تفقده الوعى فيقف دانيل براين سريعا و هو يمسك فى يده الحقيبة قائلا: أنا عايز أفتح الحقيبة حالا تعالى يا حكم انت ياللى قاعد جنب الشباك

اتش: شنطة ايه اللى عايز تفتحها دى راعوا ان احنا فى أتوبيس يا صيع

براين: مش برنامج جيركو شغال يبقى أكيد الكاميرا مستخبية هنا و الا هنا

. اتش يصفق قائلا: يالا يا أخوانا كله يقعد مكانه الأجرة يا حضرات

تجلس فيكى بين دولف و جاك كل منهما يمد يده فى جيبه زيجلز: أجرتى أهى يا جيركو

سواجر: و أنا أجرتى أهى كل واحد يحاسب لنفسه

تقف فيكى و على وجهها تعبير الصدمة قائلة : excuse me

جيركو: فيه ايه يا ولية حد داس لك على طرف

تتجاهله و تنظر نحوهما قائلة:

نعم يا حيلتها انت و هو هو أنا ماشية معاكم فاسوخة

يهدئها زيجلر قائلا :

اهدى خلاص هو عرف غلطه

ثم يصرخ فى وجه سواجر قائلا:

و انت يا أخى خللى عندك دم مش زى أمك دى قق قصدى مش دى المنظمة بتاعتنا طب أنا و مش معايا فكةحاسبلها انت

سواجر: بأقولك ايه انا فلست بسببكم . انتوا ماشيين معايا تقلبونى من ساعة ماعرفتكم و بعدين أنا مش معايا فلوس أنا كمان أنا معايا فيزا

جيركو: بأقولكوا ايه .. بطلوا شغل الأونطة ده أنا عارف انها نصباية عشان تهربوا من الأجرة

زيجلر يجلس قائلا : أنا ماليش دعوة أنا حاسبت

سواجر: و أنا كمان

فيكى: و أنا مين هيحاسبلى دلوقتى

يتمتم سواجر قائلا: ابقى خللى شافو بقى يحاسبلك

يقف جون لوراينتز و هو يمسك بيده دولارا و يقول بصوته المبحوح:

بصفتى مدير الرو المؤقت و المدير العام للعقود و تنمية المواهب تحية كبيرة منى للحاجة فيكى ودى أجرتها

جيركو: انت بتنقط فى فرح . و بعدين لازم تفضح الولية كدة

تروث يطلع علبة سجائر و يناول اتش سيجارة قائلا: مساء الفل يا أسطى

اتش: مبأدخنش و انت كمان مش هتولع سجاير فى الأتوبيس و بعدين أسطى ايه ياض انت هتصاحبنى

تروث: أبوس ايدك أنا خرمان و بعدين أنا هأطلع دماغى من الشباك أرجوك

اتش: خلاص انت هتشحت بس متخليش ال little jimmy يولع هو كمان

تروث: ال little jimmy مبيدخنش

اتش: ما شاء الله على التربية الصالحة

تروث: بس بيشرب بانجو

اتش: اسفوغص عليك و عليه

جيركو مازال يلم الأجرة و يأتى الى مقعدين يجلس عليهما رايدر و سى ام بنك

بنك: ايه ياض يا جيركو انت مش عارفنى

جيركو: مش واخد بالى الصراحة .. بس ... عرفتك.. انت ساهر ابن طنط مجيدة

بنك: لأ يا عم أنا الواد السيس

جيركو: سيس أنا مأعرفش الا سيس واحد اوعى تكون هو

بنك: أيوة هو؟

جيركو: الله يلعنك و يلعن سيرتك يا شيخ انت ورايا ورايا .. ده أنا كنت بطلت البرنامج بسببك و بعدين ايه الحلاوة دى . و الله و طلعلك شعر يا اقرع

بنك: احم .. ماعلينا فين أجرتك يا رايدر

رايدر: Woo woo woo you know it

بنك: يعنى ايه

رايدر: يعنى حاسبلى .. م انت عارف اللى فيها

بنك: خلاص يا عم أنا هأحاسبلك بس أستأذنك يا جيركو فى انى هأحاسب و أنا نازل عشان المحفظة فى الجيب الورانى

اتش يقول لتروث: مش عارف مين السواق الحمار اللى عمال ماشى ورايا بيضرب لى كلاكسات من الصبح ده

تروث: بص له فى المراية كدة شوفه رافع حاجبه و الا لأ

اتش: تصدق رافع حاجبه

تروث: يبقى هو مفيش غيره البرتو

اتش: ناولنى الهامر اللى على التابلوه ده

تروث: انت ناوى على ايه ؟ متجيبلناش مصيبة

اتش: انت شفت wrestle mania 25

تروث: أه

اتش: فى دخلتى كنت ماسك الهامر و رميته على المراية دجدجدتها

تروث: و ده ماله بموضوعنا

اتش: أصل تقريبا هو ده اللى هيحصل

قالها ثم رمى الشاكوش على الزجاج الأمامى لسيارة ألبرتو و ...... بوم طاخ كراش

اصطدمت سيارة ألبرتو بشجرة

جيركو مازال يلم الأجرة و يقف عند كرسيين قائلا: أنا مش مصدق نفسى أخيرا اتلم الشمل باتيستا و مستريو قاعدين جنب بعض

مايسون راين و سين كارا ينظران لبعض باستغراب ثم ينظران لجيركو فيقول راين: هو حضرتك بتكلمنا؟

جيركو: طبعا يا كابتن باتيستا فينك يا راجل من زمان؟

راين: يا عم أنا مش باتيستا ولا ده مستريو

جيركو: يا عم بطلوا اشتغالات بقى عليا أنا الكلام دة

يصطدم جيركو بأورتن و هو يلتفت فيقول: و الله و الأيام جمعتنا تانى يا ابن ...... أنا ياله تشوط دماغى زى الكورة الشراب

أورتن: و الله العظيم يا سيدى أنا مقدرتش أسامح نفسى على اللى عملته ده أنا من تأنيب الضمير ربيت دقنى

جيركو: هى فين دى؟

أورتن: ما خلاص بقى انت جاى بعد اما حلقتها .. بعد اما المولد خلص . الحزن فى القلب

جيركو: و انت فكرك انى هأعديهالك .. بس نوصل بس

يقف بنك ممسكا ببطنه قائلا: و النبى يا أسطى على يمينك أنا مزنوق جدا .. بدل اما أغرقلك العربية

يقف اتش بالأتوبيس و هو يقول لتروث: أهو أنا بقى مبيعكننيش الا الركاب المقرفة دى

يفتح بنك باب الأتوبيس و ... يجرى

رايدر: أه يا واطى


جيركو:

الحق يا عم اتش الواد ده محاسبش و خلانا نوقفه قبل الاتحاد بشوية و جرى
اتش: متقلقش .. بس نوصل الموقف بس و أنا هأجيبه من قفاه

تأتى رسالة لمحمول رايدر فيفتحها و يقرأ:

سورى يا صاحبى الندالة مبدأ .. الراسل: بنك

جيركو ينظر لرايدر و يقول لاتش: بس الواضح ان بنك ساب لنا رهينة

نظر اتش لرايدر ثم قال لجيركو: هاتهولى هنا جنبى فى الكرسى اللى قدام

تروث: هيركب فين ده؟

اتش: خد ال little jimmy على حجرك

تروث: كله الا جيمى

اتش: لو مش عاجبك انزل خدلك little toktok

تروث: كلكوا عاملين عليا مؤامرة ... حتى فى الأتوبيس يا حوش و الله لنازل من الأتوبيس و سايبهولكم

اتش: خد الlittle jimmy معاك

ينزل تروث من الأتوبيس فيسير الأتوبيس سريعا فيصرخ تروث قائلا: حاسب

يصطدم الأتوبيس بقط كان يسير فى الشارع فيدهس القط . يهرع تروث نحو القط ثم يحتويه بين ذراعيه قائلا له: متموتش أرجوك .. هأتصل لك بالاسعاف حالا

ينظر القط نحو تروث و هو يلفظ أنفاسه الأخيرة و يقول: ناو ناو ناو ناويييه ... ناو ناو ناو ناوووووه

ثم ارتكن القط برقبته جانبا فاغرا فاه جاحظ العينين فاحتضنه تروث و قال: كويس انه نطق الشهادتين


ثم ألقى ببصره نحو الأتوبيس فوجده قد غاب عن الأنظار

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wwelovers.ibda3.org
 
الأتوبيــــــــــــــــس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عشاق المصارعة،مصارعة أول بأول،الاتحاد العربى للمصارعة :: الترفيه :: كوميديا المصارعة-
انتقل الى: